ஏகாந்தம்
ஒரே ஏகாந்தம் !
என் மடியில் என்னைக் கிடத்திப் பார்த்தது !
என் மறைந்து ஞான மண்டலத்திற்குள்
ஆகாசம் உட்புதைந்த அமரம்
எண்ணப் புதையல்கள் இருளற்று
பேரொளிச் சிதறல் ஒன்றாய் ஏதுமற்று
கானகத்தில் எத்தனை எத்தனை கானம் - அகம் ?
தர்க்கமும் தாகமும் தவிக்கும் மோகமும்
இடைவிடாதலால் இயக்கமின்றிப்போய்
கொதித்துக் களைத்து ஆறுதலில்லை ,
பனித்து உருகி கரைதல் ஆறுதல் - இல்லை ?
பேராட்டம் அகண்டு நீங்கி நிறைந்தது
தோற்றத்தின் மையம் மிக அருகில் யாதுமற்று !
நிறைதலும் அற்றுப் போதலும் பலதாய் ஒன்றி
பார்வை திரண்டு புலரும் நோக்கமின்றி நோக்கின் !
உருத்தெரியாமல் நிகழ்ந்து விட்ட பேருரு !
ஒரே ஏகாந்தம் ! தொடருமா ? முடிவா ?
