OM VENKATESAYA !
நன்னாடு !
நெஞ்சழியும் கொடுமையெனில்
என்னவென்று கேட்டீரே !
பசித்து அழும் தம் மகற்கு
புசிக்க ஒரு அடி கொடுத்து
ஓரம் சென்று கிழி துண்டால்
கண்ணடக்கும் தந்தையர் !
பெற்ற வயிறு நிஜமாவே
ரெண்டு நாளாய் எரியவே
ஸ்பரிசத்தால் பிள்ளையின்
வலி அடக்கும் அன்னையர் !
இளமையில் கல்,
இவர்களுக்கு வயிற்றில் !
பாரதத்தாய் பார்த்துப் பார்த்துப்
பஞ்சடைத்துப் போய் விட்டாள் !
பாமரனின் வாயிலும்
பண்பட்டோர் காதிலும் !
எதுவும் கேட்காததே
நம்மவர்க்கு அடக்கம் !
செய்வதையே சொல்வார்கள்
இவர்கள் எப்போதும் !
"ஏழைகளை உயர்த்துவோம்" ,
அங்கே யாருக்கும் பசிக்காதாம் !
என்ன கொடுமை இது
எப்போதுதான் தீர்வது?
பாண்டித்யம் பெற்றவர்கள்
பணம் மட்டும் பாராமல்
பண்பட்ட பாரதத்தின்
பதவி ஏற்க வேண்டும் !
எனக்கெதுவும் வேண்டாம் என
சூளுரைத்த நல்லவர்கள்
உள்ளத்தின் உள்ளிருந்து
ஆட்சி செய்ய வேண்டும் !
எல்லோரும் செய்திடுவோம்
இன்றே ஓர் நற்சபதம்
ஆக்கிடுவோம் பாரதத்தை
அகில முதல் நன்னாடாய் !
