"Marathal" "மரத்தல்"

OM VENKATESAYA !

மரத்தல் 

வேஷத்திற்கு பஞ்சமேயில்லை 

முகத்திற்கு மாவு பூசாமல் ,

முகமே முகமூடியாய் !

சிரிக்கும்போது உள்ளே 

மலராமல் காய்ந்த சருகாய் !

ரொம்பத்  திறமையாய் வன்மம் காட்டாமல் 

தன் முகத்தை தரித்து சிரிக்கும் -

அனல் சுடும் நெடுநாள் கழித்து !

சாம்பல் பூத்த அடுப்பின் நெருப்பு 

அரிதார முகம் - உள்ளே ?

சிலது சிலையாகி விடும் - வேஷமா ?

மாமல்லபுரச் சிற்பத்திற்கு கூட 

உயிர் உண்டு - காரணம் -

சிற்பியா ? வேஷதாரிகளா ?

குமைந்து குமைந்து மனிதமே 

மரத்துப் போகாதோ ?

மரத்தல் என்றாலே என்ன ?

கிளை பரப்பி நிழல் கொடுத்து 

பூத்துச் சிரித்து வாசமாகி !

மரம் மரத்துப் போவதில்லையோ ?